बेमौसमी वर्षाले धान भित्र्याउने किसान चिन्तित-NepalAgroTourism

गृह पृष्ठ
समाचार
बेमौसमी वर्षाले धान भित्र्याउने किसान चिन्तित

बेमौसमी वर्षाले धान भित्र्याउने किसान चिन्तित

१४ कार्तिक २०८२, बिहिवार

धान भिञ्याउन तयारी गरेका किसान बेमौसमी वर्षाले चिन्तित छन् । तिहारलगत्तै खेतमा पाकेको धान स्याहार्ने चटारोमा रहेका किसानलाई मंगलबारदेखि सुरु भएको वर्षाले झन् चिन्तित तुल्याएको हो ।

कतिपय किसानले तिहारको भोलिपल्टदेखि काटेको धान खेतमै डुब्ने अवस्था पुगेको बताउँदै निराशा व्यक्त गरेका छन्। देशका विभिन्न ठाउँका किसानले असारको सुरुमै रोपेका धान अहिले पाकेपछि धमाधम काटिरहेका थिए । तर, धान काटेपछि धुम्म बनेको आकाशबाट पानी पर्न थालेपछि उनीहरू चिन्तामा परेका छन्।

यसले केवल किसानको मिहिनेतलाई मात्र होइन, स्थानीय कृषि पर्यटन (Agro Tourism) मा पनि असर पार्ने देखिएको छ। गाउँमा आउने धेरै पर्यटकहरू धान काट्ने र भित्र्याउने समय हेर्न, गाउँको जीवनशैली अनुभव गर्न र कृषिमा सहभागी हुन आउँछन्। तर, यस्तो बेमौसमी वर्षाले खेतमा पानी जम्दा कृषि अनुभव यात्रामा आउने पर्यटकहरूको संख्या पनि घट्न सक्छ।

स्थानीय किसानहरूका अनुसार, धान भित्र्याउने मौसम कृषि पर्यटनका लागि पनि आकर्षक समय हो। यस समयमा गाउँलेहरूले पाहुनालाई परम्परागत ढङ्गले स्वागत गर्दै खेतमा काम गर्न, साँझमा लोकगीत सुन्न र गाउँको संस्कृति अनुभव गर्न दिन्छन्। तर मौसम अनुकूल नहुँदा यस्तो अनुभव सीमित हुन थालेको छ।

किसानहरूले बताउँछन् — यदि मौसम स्थिर रह्यो भने आगामी वर्ष कृषिसँगै कृषि पर्यटनबाट पनि राम्रो आम्दानी लिन सकिने सम्भावना छ।